Блог архивлары

Фермалы мәктәп

“Сезгә Арча районы Курса Почмак авылыннан хат язабыз. Сүз авылыбызга ямь биреп торучы мәктәбебез турында. Киләчәк буынга тәрбия бирүче бу мәгариф системасында мәктәп яныннан ераграк йөрергә тиешле кеше – Хәлил Хөрмәт улы Хәсәнов – укытучылар коллективы белән идарә итә. Бу уку елында аны директорлык вазифасыннан алырлар дигән өмет акланмады. Үткән ел районга шундый ук эчтәлекле хат язган идек, килеп, укытучыларны гына тикшереп киткәннәр. Роно мөдире: “Мин бу урында эшләгәндә курыкма”, – дип кенә әйткән, диделәр…

Укытучы зары…

Беләсездер, укытучы гомер буе белем туплый, белем күтәрү курсларына даими йөри. Компьютер, интернет, интерактив такта һәм башка инновацияләр артыннан куып өлгерергә дә кирәк бит. Гәрчә интерактив такталар авыл мәктәбендә бөтенләй булмыйча, кайберләрендә 90нчы елгы компьютерлар гына булса да.

Төрмәдән хат

Аның тормышы белән күпләр кызыксынды. Ул суд залында: “Әни, ышан миңа, мин гаепле түгел!” – дип, Коръән тотып, күз яшьләре белән ант итте. Ә Казанның Киров район суды 26 яшьлек Фәнис Вәлиуллинны 8 ел ярымга каты режимлы колониягә озатты, шуңа өстәп, 100 мең сум күләмендә штраф та салды. Фәнис һәм аның якыннары бу хөкемне нахак дип саный.

“Умартачы бал кортыдай эшләргә тиеш”

Менә тел өстеңә сал да татып кара, төере бармы, юкмы? Кәрәз чүбе түгел, ә нәкъ менә балның төере хакында сорыйм… Төерле булмаса, бал чын була. Ул йомшак, шома, әчкелтем булырга тиеш.

Дөнья мәшәкатьләрен бер читкә куеп, татлы хыял дөньясына чумдым. Әнә шулай итеп быелгы, яңа аертылган бал ашаттылар миңа күптән түгел. Чынын ялганыннан аерырга, балда ачы тәм тоемларга өйрәттеләр.

Базар буйлап

Казанда ярминкәләр дәвам итә. Ялларда шуларны әйләнергә, авыл халкы хезмәте күпме торуын бәяләп кайтырга булдым. Белоруссия бәрәңгесе дип бар мәгълүмат чарасы шар яра иде, дөрес сөйлиләр икән. Шул якларның “икенче икмәген” 17 сумга сатып алырга мөмкин.