Җылы дуслар – 2

Әле бүген җылы дусларымның тагын берсе белән күрештем. Гадәттә, читтән карап торганда бик җитди, кырыс кеше булып тоелса да, чынлыкта аның күңеле “мамык кебек йомшак”. Ул үзе дә, мине үсендерергә тырышып, болай ди: “Мамык кебек йомшак күңелемне син генә тоттың инде.” Бәлки, шул күңелне таптап-изеп китмәсеннәр өчен шундый коры кеше булып күренергә тырышадыр ул?!

Кем өчен язарга?

Кичә маршрут автобусында бер танышымны очраттым. “Шэрык” клубыннан кайтып барышы икән. Матбугат турында сөйләшкәннәр. Кызганыч, кичләрен укуым сәбәпле, анда барып җитеп булмаган иде. Шунда С.Долгов: “Халыкка социаль темалар кирәкми”, – дип әйткән имеш. Бу фикергә каршы И.Сираҗи да бик каты сүзләр әйткән диделәр.
Бүген көне буе Сашаның сүзләре турында уйлап йөрдем.

Җылы дуслар

Күңелгә якын, ышанычлы, мең кат сыналган кешеләр була. Нигә нәкъ менә аларның гына шулай якын булуын да аңламыйсың хәтта. Бары тик алар янында җылы, рәхәт, күңелле… Гомумән, ул кешеләр янында син гадәти – тормыштагы кебек. Уйнарга кирәкми. Усал, рэхимсез булып кыланырга да, ялагай песи булырга да… Ничек бар шундый! Һәм алар сине шул килеш ярата, шулай кабул итә. Бәлки, шуның өчен аларны якын итәсеңдер дә.

Күптән түгел генә шундый кешеләремнең берсе кияүгә чыкты.

Аннан-моннан ремонт – 2

Түбәндә күрсәтелгән хат артыннан Кукмарага баргач, авторыбыз беркадәр ризасызлык белдерде.

Минем хатны онытканнар, бәлки, бөтенләй үк кирәк түгел дип тапканнардыр, тагын язармын дип тора идем, – диде Әлфия апа Пантелеева. – Аны сезгә генә түгел, күп инстанцияләргә юлладым инде.

– Тагын бер яңалык җиткерде ул миңа. Анысын ул больницада ятканда ишетеп кайткан. Имеш, мине Кукмара хакимияте җитәкчеләре куркыткан һәм башка ул районга аяк та басмаячакмын, дигән гайбәт таралган икән анда. Куркытуын-куркытмадылар, тик бер язмам өчен, юк гаепне бар итеп, әниемне эштән китәргә мәҗбүр иттеләр үзе. Бу хакта зур язма әзерләнеп ята һәм тиздән, Алла боерса, ул дөнья күрер. Башка журналистлар да Кукмара районындагы әлеге вакыйга турында зурлап «искә алырга» вәгъдә итте.

Журналист тагын килсен!

Сезгә язган кешеләрне ярдәмегездән ташламагыз, чөнки «БГ»кә кеше кая барырга белмичә килеп терәлгәч кенә, чиновникларның коридорларында йөреп, ишекләрен берничә тапкыр шакып та, бернинди ярдәм күрмәгәч, Сез ярдәм итмәсме, дип яза. Чөнки «БГ» – халык гәҗите!

Сезгә язылган зарлы хатымнан соң, «Аннан-моннан ремонт» (2010, №19, 19 майдигән язма басылган иде. Хат нигезләп тикшерелсә, анда язасы әйбер күп иде. Барысы да михнәт күргән халык тормышыннан язылды. Язмамның күп өлеше чүп-чар булып тоелгандыр, үз башына килмәсә, кеше хәлен кеше белми шул. Кабинеттан кабинетка йөреп, ышанычым «БГ»га гына калган иде, сезгә дә, Ходайга ышанган кебек, ышанып яздым. Минем язма яхшы булып чыкмаганмы, я инде Кукмара түрәләренең куллары озынмы, хәсрәтем Казанга ук барып җитмәгән, ахры. Кая барырга? Кемгә таянырга? Аз гына булса да гаделлекне каян табарга? Үз хокукларыңны ничек якларга? Кукмарадагы «беспредел»ның 25%ын гына булса да ничек күрсәтергә? «Депутат» дигән кеше кайда икән? Бу гаделсезлекне тыярга берәүнең дә хәле җитми микән? Бу хәлләргә күпме түзәргә була? Закон гади кеше өчен язылмаганмы? Гади халык нишләргә тиеш?