Май 2012 аеның архивы

Югалту ачысы

Аның кебек ихлас, бала җанлы, нурлы йөзле, юмарт һәм бер гөнаһсыз (!) Кешене мин башка беркайчан да таба алмам, мөгаен. Үз энесенең балаларын тәрбияләп үстерү өчен яшьлеген, үз тормышын корбан иткән, кияүгә чыкмый калган бу Кеше минем өчен иң-иң кадерле, иң-иң якын, иң-иң җылы куллы, иң зур Үрнәк шәхес иде. Иде…

Мәгънәсез акция

Нәсел җепләренең кадерен белгән, ата-бабаларын хөрмәт иткән һәркем өчен Җиңү көне зур бәйрәмдер ул. Алар безнең якты киләчәк өчен көрәшкән бит. Германия белән Русиядәге тормыш шартларын сурәтләп, кайсыбызның яктырак киләчәкле булуын чагыштырып тормыйм. Бүген миңа башка мәсьәлә тынгы бирми.
Җиңү көне алдыннан, шәһәрнең төрле почмагында “Георгий тасмасы” акциясе башлана. Башка елларда студентлар, төрле партия хезмәткәрләре (бу чара белән агитация алып бару ярамаса да) аны шәһәр үзәгендә таратып йөрсә, быел һәр почмакта шул тасма белән очраштык. Күп оешмаларда гади эшчеләргә дә ул тасмалар мәҗбүри рәвештә тагылды. Шулай ук кайбер киоскларда аны хәтта 8 сум итеп бәяләп, сатуга да куйганнар иде (закон буенча бу тыелса да). Җитмәсә, Мәскәүдә ЮХИДИ инспекторлары аны хокук бозган йөртүчеләргә дә өләшкән икән.

Авокадога ышансаң…

Авокадо ашасаң, акрынрак картаясың, имеш. Тән тиресе дә тонусын югалтмый икән… Составында әллә нинди, мин генә истә калдыра алмый торган авыр исемле матдә бар ди, әнә шул канны чистартып, токсиннарның организмнан чыгарылуына китерә, дип әйтә галимнәр.

Менә уйлап утырам әле. Минем әбигә быел 91 яшь тула, Алла бирса. Ул үз гомерендә бер тапкыр авокадо кабып караган кеше түгел. Гомумән, чит илдән кертелгән ризыкларга шикләнеп каравы нәтиҗәсендә, киң таралган башка кайбер җиләк-җимешне дә ашамый. 80 яшькә җиткәнче, битендә җыерчык та булмады, тонуска зарланганын да хәтерләмим. (Ул аның нәрсә икәнен белә микән соң?) Эш авокадода гына микән, җәмәгать?! Бәлки, кызыл чөгендер авокадодан да файдалырактыр?!

Кызыл пилотканы сагынам

Инде мәктәп тирәсен дә ялт итеп җыештырганнардыр, хезмәт, рәсем, физик тәрбия дәресләрендә бакчада кайнашалардыр… Авыл чип-чистадыр инде. Ташу беткән, таулар ямь-яшел хәтфәгә төрелгәндер… Кайтып күрәсе дә бит, тик соңгы араларда вакыт ягы чамалы. Бер кайтсаң, китәсе дә килми бит әле ул, сагыну басылмый – арта гына.