Ноябрь 2008 аеның архивы

ЮБИЛЕЙГА ДӘШӘ ТИНЧУРИН

Атна уртасында ук сеңлем шалтыратып: “Бу шимбәдә Тинчурин театры безнең авылга килә”, – дип хәбәр бирде. Ышанмадым. Шундый зур театр безнең кеп-кечкенә авылда нишләп йөрсен ди? Бу көзге пычракта бигрәк тә. Ә белдем, шулар исеменнән акча эшләп, алдап йөрүчеләрдер әле, минәйтәм.

“ДУРАКЛАР АВЫЛЫ” димәгез

Без “Безнең гәҗит”тән хезмәт хакы аз булган урыннарга барып, тикшереп язган язманы укыган идек. Моңарчы куркып йөрдек.

Яңа Чүриле психо-неврологик интернатта санитарка булып эшлибез. Тәүлек буе җаваплылык безнең өстә, авырулар төрле. “Вредность” бара, ә хезмәт хакы ай саен кими, нинди хәлдер. Августа 3700 сум алган идек, сентябрь аенда квартал премиясе белән бергә 3700 сум бирделәр. Шул премия булмаса, 2872 сум хезмәт хакы булыр иде. Шәймиев акчасын да июль аеннан бирле күргән юк. Беркем берни аңлатмый. Эш урыны да кирәк.