Декабрь 2006 аеның архивы

СИХЕРЛЕ ДӨНЬЯ

Безнең төбәктә иң көчле багучылар, сихерчеләр дип ни өчендер мари, чуаш хатыннары санала. Имеш, алар гына чын дөресен әйтеп бирә. Белмим, бу шөгыльне теге-яки бу милләткә бәйләп кую дөрес микән? Багучылык белән шөгыльләнүче татарлар да, урыслар да адым саен лабаса. Шулай да әле күптән түгел генә мин мари һәм бер марҗа багучысы янына барып кайттым. Үземчә аларның эшчәнлеген чагыштырып карадым.